A Poet loves his Ghazal as a father loves his son and when looks...

Urdu is a live language and is rich and famous because of the...

Ashob e Nawa has been written by Zaheer Ghazipuri

Shamim Hashmi is called a "Poet of Nostalgia". This was a...
679
89
84
95

Sambhla raha hai kon, nashe me gira hai kon?

ab mahfil e ghazal me ghazal aashna hai kon
maana ke aik ham hain, magar dusra hai kon

Tum apni anjuman ka zara jaaiza to lo
kahne ko to chiraaG bahut thay, jala hai kon?

Maine jo chhedi apni apni nai tarz ki ghazal
wo puchhne lage ke ye naghma sara hai kon

sab dekhte jidhar hai, udhar kya hai kuchh nahi
ham dekhte jidhar hain, udhar dekhta hai kon

Daawa sukhan ka sabko hai, lekin tamaam umr,
Ek dushman e sukhan se mukhatib raha hai kon

Tasweer e maikada meri ghazloN me dekhiye
Sambhla raha hai kon, nashe me gira hai kon

Sab dost ek ek kar ke mujhe chhodte gaye
Dushman bhi dang hai ke ye tanha khada hai kon

Ghar bhi tera, gali bhi teri, shahr bhi tera
Jo chahe jisko kah de, tujhe rokta hai kon

Ajiz! ye kisse baat karo ho Ghazal me tum
Parda hatao, ham bhi to dekheN chhupa hai kon.

By Kalim Ajiz

Poetry Categories: