Sair-e-chaman karu to waha bhi na ji lage
phooloN ki dilkashi me tumhari kami lagay
achchai ko burai samajhte rahe ho tum
meri har aik baat, na kaise buri lagay
Aks to laakhoN aaye nazar seemab sifat aainay me
Dekh na paaye apna chehra gahri jheel ke seenay me
Kheench ke langar tohmat kyu sailaab ke sar tum dharte ho
Rabt kahaN rakha hai baaqi sahil aur safeenay me
Jab zamaanay me kahiN zulm o sitam jaagta hai
Dhal ban kar meray aaQaa ka karam jaagta hai
faiz se aape Allah ka itna hai karam
Aaj bhi aapki ummat ka bharam jaagta hai
uzr un kī zabān se niklā
tiir goyā kamān se niklā
vo chhalāvā is aan se niklā
al-amāñ har zabān se niklā
dard jab dastaras-e-chāragarāñ se niklā
harf-e-inkār mohabbat kī zabāñ se niklā
zindagānī meñ sabhī rañg the mahrūmī ke
tujh ko dekhā to maiñ ehsās-e-ziyāñ se niklā
phir lutf-e-ḳhalish dene lagī yaad kisī kī
phir bhuul ga.ī yaad ko be-dād kisī kī
phir rañj-o-alam ko hai kisī kā ye ishāra
ujḌī huī bastī karo ābād kisī kī
tumhāre shahar meñ thā bhī to ik musāfir maiñ
so thak ke baiTh gayā rāste meñ āḳhir maiñ
maiñ har lihāz se sairāb thā ḳhudā kī qasam
ye aur baat ki pyāsā rahā ba-zāhir maiñ
