boliye kartā huuñ minnat aap kī
kyuuñ mukaddar hai tabī.at aap kī
dil meñ paiġhām-e-mohabbat sā utārā jā.ūñ
is se pahle ki kisī bhiiḌ meñ maarā jā.ūñ
sar uThā ke mat chaliye aaj ke zamāne meñ
jaan jaatī rahtī hai hausla dikhāne meñ
āj-kal ke shabāb dekhe haiñ
saare ḳhāna-ḳharāb dekhe haiñ
raat se din kā vo jo rishta thī
shaam thī aur kaisī tanhā thī
jafā-e-ahd kā ilzām ulaT bhī saktā huuñ
use yaqīn na thā maiñ palaT bhī saktā huuñ
ma.ānī lafzoñ ke piirī meñ kuchh shabāb meñ kuchh
aur us ke baare meñ likkhā nahīñ kitāb meñ kuchh
sahar kā nuur hai tāroñ kā in.ikās nahīñ
fareb-ḳhurda ho tum yā ziyā-shanās nahīñ
maiñ ne apnī maut pe ik nauha likkhā hai
tum ko sunātā huuñ dekho kaisā lagtā hai
jo hurūf likh gayā thā mirī aarzū kā bachpan
unheñ dho sake na dil se mirī zindagī ke sāvan