vahshat meñ yaad aa.e hai zanjīr dekh kar
ham bhāgte the zulf-e-girah-gīr dekh kar

jab tak na ḳhaak ho jiye hāsil nahīñ kamāl
ye baat khul ga.ī hameñ iksīr dekh kar

uzr-e-gunāh dāvar-e-mahshar se kyuuñ karūñ
ġham miT gayā hai nāma-e-taqdīr dekh kar

huuñ tishna-kām-e-dasht-e-shahādat zi-bas ki maiñ
girtā huuñ āb-e-ḳhanjar-o-shamshīr dekh kar

'ārif' chhupā to ham se vale ham to pā ga.e
jo baat hai ye rañg kī taġh.īr dekh kar

wahshat mein yaad aae hai zanjir dekh kar
hum bhagte the zulf-e-girah-gir dekh kar

jab tak na KHak ho jiye hasil nahin kamal
ye baat khul gai hamein iksir dekh kar

uzr-e-gunah dawar-e-mahshar se kyun karun
gham miT gaya hai nama-e-taqdir dekh kar

hun tishna-kaam-e-dasht-e-shahadat zi-bas ki main
girta hun aab-e-KHanjar-o-shamshir dekh kar

'arif' chhupa to hum se wale hum to pa gae
jo baat hai ye rang ki taghir dekh kar