kis se paimān-e-vafā bāñdhte ho
vaqt kā āb-e-ravāñ hai ye to

koī sun legā to charchā hogā
apne dil se bhī ye bāteñ na karo

koī bajtī huī shahnā.ī hai
jhāñk kar parda-e-gul meñ dekho

jab sitāroñ ke kañval khilte haiñ
jhilmilātā hai tumhārā partav

dil ke āñgan meñ kiran nāchegī
chāñdnī raat meñ āvāz to do

zaḳhm phir se na hare ho jaa.eñ
mujh se yuuñ pyaar kī bāteñ na karo

aap kā hamdam-e-dairīna huuñ
sar uThāo mirī jānib dekho

kis se paiman-e-wafa bandhte ho
waqt ka aab-e-rawan hai ye to

koi sun lega to charcha hoga
apne dil se bhi ye baaten na karo

koi bajti hui shahnai hai
jhank kar parda-e-gul mein dekho

jab sitaron ke kanwal khilte hain
jhilmilata hai tumhaara partaw

dil ke aangan mein kiran nachegi
chandni raat mein aawaz to do

zaKHm phir se na hare ho jaen
mujh se yun pyar ki baaten na karo

aap ka hamdam-e-dairina hun
sar uThao meri jaanib dekho

Source: Book : auraq salnama magazines (Pg. 1967) Author : Wazir Agha,Arif Abdul Mateen Publication : Daftar Mahnama Auraq Lahore (1967) Edition : 1967