qarār dil ko sadā jis ke naam se aayā
vo aayā bhī to kisī aur kaam se aayā

kisī ne pūchhā nahīñ lauTte hue mujh se
maiñ aaj kaise bhalā ghar meñ shaam se aayā

ham aise be-hunaroñ meñ hai jo salīqa-e-zīst
tire dayār meñ pal-bhar qayām se aayā

jo āsmāñ kī bulandī ko chhūne vaalā thā
vahī mināra zamīñ par dhaḌām se aayā

maiñ ḳhālī haath hī jā pahuñchā us kī mahfil meñ
mirā raqīb baḌe intizām se aayā

qarar dil ko sada jis ke nam se aaya
wo aaya bhi to kisi aur kaam se aaya

kisi ne puchha nahin lauTte hue mujh se
main aaj kaise bhala ghar mein sham se aaya

hum aise be-hunaron mein hai jo saliqa-e-zist
tere dayar mein pal-bhar qayam se aaya

jo aasman ki bulandi ko chhune wala tha
wahi minara zamin par dhaDam se aaya

main KHali hath hi ja pahuncha us ki mahfil mein
mera raqib baDe intizam se aaya