shaam be-kaif sahī shaam hai Dhal jā.egī
din bhī niklegā tabī.at bhī sambhal jā.egī

is qadar tez hai dil meñ mire ummīd kī lau
nā-umīdī mire paas aa.ī to jal jā.egī

narm shānoñ pe na bikhrāv ghanerī zulfeñ
in ghaTāoñ se shab-e-tār dahal jā.egī

mast āñkhoñ ke darīchoñ se na jhāñkā kiije
jaam Takrā.eñge mai-ḳhvāroñ meñ chal jā.egī

ban-sañvar kar mujhe samjhāne na aao varna
phir tamannā-e-dil-e-zār machal jā.egī

māh-e-nau dekhne tum chhat pe na jaanā hargiz
shahr meñ eid kī tārīḳh badal jā.egī

itnā saj-dhaj ke ayādat ko na aayā kiije
varna kuchh soch ke ye jaan nikal jā.egī

kyoñ pareshāñ ho shab-e-hijr kī aamad pe 'jalīl'
gardish-e-vaqt hai aaj aa.ī hai kal jā.egī

sham be-kaif sahi sham hai Dhal jaegi
din bhi niklega tabiat bhi sambhal jaegi

is qadar tez hai dil mein mere ummid ki lau
na-umidi mere pas aai to jal jaegi

narm shanon pe na bikhraw ghaneri zulfen
in ghaTaon se shab-e-tar dahal jaegi

mast aankhon ke darichon se na jhanka kije
jam Takraenge mai-KHwaron mein chal jaegi

ban-sanwar kar mujhe samjhane na aao warna
phir tamanna-e-dil-e-zar machal jaegi

mah-e-nau dekhne tum chhat pe na jaana hargiz
shahr mein eid ki tariKH badal jaegi

itna saj-dhaj ke ayaadat ko na aaya kije
warna kuchh soch ke ye jaan nikal jaegi

kyon pareshan ho shab-e-hijr ki aamad pe 'jalil'
gardish-e-waqt hai aaj aai hai kal jaegi