Warning: session_start(): open(/tmp/sess_8rd6fhtb8pg2d6qmbtgq4gdcr3, O_RDWR) failed: No space left on device (28) in /razi/eraazi/darbari/chunmun/index.php on line 15
kahi na un se jo honTon pe baat aai bhi

Subscribe to our newsletter and get our newest updates

Jaleel Hashmi

  • Ghazal


kahi na un se jo honTon pe baat aai bhi


kahī na un se jo hoñToñ pe baat aa.ī bhī
ki āshnā.ī bhī thī sharam-e-āshnā.ī bhī

koī talab thī to dast-e-savāl phailāte
magar milī thī kahāñ sūrat-e-gadā.ī bhī

kaho havā se chale aaj raat tham tham kar
ki aag hai mire dāman meñ kuchh parā.ī bhī

tire karam ke fasāne to shahar bhar se kahe
tire sitam kī kahāñ jā ke deñ dahā.ī bhī

tirī sadā pe gumāñ dhaḌkanoñ kā hotā thā
ajab thā ab ke sukūt-e-shab-judā.ī bhī

tumhārī ham-safarī ke bhī the bahut ehsāñ
huī hai vaj.h-e-nadāmat shikasta-pā.ī bhī

nazar bujhī to mile raushnī kahāñ 'hashamī'
jalā ke sham.a bahut aañkh se lagā.ī bhī

kahi na un se jo honTon pe baat aai bhi
ki aashnai bhi thi sharam-e-ashnai bhi

koi talab thi to dast-e-sawal phailate
magar mili thi kahan surat-e-gadai bhi

kaho hawa se chale aaj raat tham tham kar
ki aag hai mere daman mein kuchh parai bhi

tere karam ke fasane to shahar bhar se kahe
tere sitam ki kahan ja ke den dahai bhi

teri sada pe guman dhaDkanon ka hota tha
ajab tha ab ke sukut-e-shab-judai bhi

tumhaari ham-safari ke bhi the bahut ehsan
hui hai wajh-e-nadamat shikasta-pai bhi

nazar bujhi to mile raushni kahan 'hashami'
jala ke shama bahut aankh se lagai bhi


Source: Funoon(Jadeed Ghazal Number: Volume-002)

Leave a comment

+