تعارف
اردو لٹریچر ڈاٹ آر گ ایک آنلائن بین الاقوامی برادری ہے جس میں ۱۵۰۰ سے زیادہ شاعروں اور ادیبوں کی تخلیقات شامل ہیں۔ اردولیٹری ڈاٹ آرگ نے ...
کیا کروں اس مسئلے کے سامنے
دشت ہے کچے گھڑے کے سامنے
تہ بہ تہ منظر کھلے گا آنکھ پر
آئنہ ہے آئنے کے سامنے
اس لرزتے اشک کی ہمت تو دیکھ
ڈٹ گیا ہے قہقہے کے سامنے
جان لے کہ تیرے لب کچھ بھی نہیں
آگہی کے ذائقے کے سامنے
کر رہی ہے بے ثباتی پر خطاب
ایک سوئی بلبلے کے سامنے
جانتا ہوں ماسک کے پیچھے کا دکھ
رو رہا ہوں مسخرے کے سامنے
Leave a comment