Warning: session_start(): open(/tmp/sess_luag03ddr2t0vq69dvk8gv0750, O_RDWR) failed: No space left on device (28) in /razi/eraazi/darbari/chunmun/index.php on line 15
naKHuda saKHt KHafa garche hamin par the bahut

Subscribe to our newsletter and get our newest updates

Jaleel Haider Lashari

  • Ghazal


naKHuda saKHt KHafa garche hamin par the bahut


nāḳhudā saḳht ḳhafā garche hamīñ par the bahut
ham ne bhī azm ke pahne hue zevar the bahut

tū ne dastak hī nahīñ dī kisī darvāze par
varna khulne ko to dīvār meñ bhī dar the bahut

uḌ nahīñ paayā agarche ye fazā bhī thī khulī
mere andar se mujhe jakḌe hue Dar the bahut

jiit terā hī muqaddar thī so tū jiit gayā
varna haare hue lashkar meñ sikandar the bahut

ḳhaam thī pyaas tirī varna to is dasht meñ bhī
ek eḌī ke ragaḌne pe samundar the bahut

chhin ga.ī aañkh se hairat ki tirī bastī meñ
har ghaḌī rañg badalte hue manzar the bahut

vaqt kī mauj hameñ paar lagātī kaise
ham ne hī jism se bāñdhe hue patthar the bahut

naKHuda saKHt KHafa garche hamin par the bahut
hum ne bhi azm ke pahne hue zewar the bahut

tu ne dastak hi nahin di kisi darwaze par
warna khulne ko to diwar mein bhi dar the bahut

uD nahin paya agarche ye faza bhi thi khuli
mere andar se mujhe jakDe hue Dar the bahut

jit tera hi muqaddar thi so tu jit gaya
warna haare hue lashkar mein sikandar the bahut

KHam thi pyas teri warna to is dasht mein bhi
ek eDi ke ragaDne pe samundar the bahut

chhin gai aankh se hairat ki teri basti mein
har ghaDi rang badalte hue manzar the bahut

waqt ki mauj hamein par lagati kaise
hum ne hi jism se bandhe hue patthar the bahut


Leave a comment

+