شریک ہوں اور تازہ ترین معلومات حاصل کریں

قمر رضا شہزاد

  • غزل


ہم نے ہر غم دل صد چاک سے باہر رکھا


ہم نے ہر غم دل صد چاک سے باہر رکھا
آگ کو پیرہن خاک سے باہر رکھا

زیب تن ہم نے بھی کر رکھی یہ دنیا لیکن
تیرے ہر رنگ کو پوشاک سے باہر رکھا

خواب در خواب تجھے ڈھونڈنے والوں نے بھی اب
نیند کو دیدۂ نمناک سے باہر رکھا

اک طرح دھیان ہی ایسا کہ جسے ہم نے یہاں
نفع نقصان کے پیچاک سے باہر رکھا

اجرت عشق بہت کم تھی سو ہم نے شہزادؔ
دل کو اس تنگئ افلاک سے باہر رکھا


Leave a comment

+