Subscribe to our newsletter and get our newest updates

Jaimini Sarshar

  • Ghazal


teri rahmat ne kar diya gustaKH


terī rahmat ne kar diyā gustāḳh
''varna pahle to maiñ na thā gustāḳh

aap jo kuchh kaheñ sar āñkhoñ par
aur maiñ ne jo kuchh kahā gustāḳh

sāf-goī se kaam letā huuñ
tum ne mujh ko samajh liyā gustāḳh

kaaT dete vo kyuuñ na haath mirā
un ke dāman pe baḌh chalā gustāḳh

khul ga.ī aañkh ab to ai nargis
aur un se nazar milā gustāḳh

muñh pe kahte use nahīñ bantā
varna 'sarshār' hai baḌā gustāḳh

teri rahmat ne kar diya gustaKH
warna pahle to main na tha gustaKH

aap jo kuchh kahen sar aankhon par
aur main ne jo kuchh kaha gustaKH

saf-goi se kaam leta hun
tum ne mujh ko samajh liya gustaKH

kaT dete wo kyun na hath mera
un ke daman pe baDh chala gustaKH

khul gai aankh ab to ai nargis
aur un se nazar mila gustaKH

munh pe kahte use nahin banta
warna 'sarshaar' hai baDa gustaKH


Leave a comment

+