nā-tavānī meñ palak ko bhī hilāyā na gayā
dekh ke un ko ishāre se bulāyā na gayā

saḳht-tar sañg se bhī dil hai unhoñ kā shāyad
naqsh jis par kisī unvān biThāyā na gayā

gulshan-e-ḳhuld meñ har-chand ki dil bahlāyā
kūcha-e-yār magar dil se bhulāyā na gayā

shikan-e-zulf se dil saaf nazar aatā hai
is añdhere meñ ta.ajjub hai chhupāyā na gayā

dekh kar kal vo mirā hāl-e-pareshāñ 'ārif'
aisā ghabrā.e ki āñkhoñ ko churāyā na gayā

na-tawani mein palak ko bhi hilaya na gaya
dekh ke un ko ishaare se bulaya na gaya

saKHt-tar sang se bhi dil hai unhon ka shayad
naqsh jis par kisi unwan biThaya na gaya

gulshan-e-KHuld mein har-chand ki dil bahlaya
kucha-e-yar magar dil se bhulaya na gaya

shikan-e-zulf se dil saf nazar aata hai
is andhere mein tajjub hai chhupaya na gaya

dekh kar kal wo mera haal-e-pareshan 'arif'
aisa ghabrae ki aankhon ko churaya na gaya