ik justujū sadā hī se zehn-e-bashar meñ hai
jab se milī zamīn musalsal safar meñ hai

har-chand mere saath udāsī safar meñ hai
raushan charāġh-e-shauq magar chashm-e-tar meñ hai

mallāh kah rahā hai ki sāhil hai bas qarīb
lekin mujhe pata hai ki kashtī bhañvar meñ hai

tum se kabhī jo bol na paayā maiñ ek baat
ban kar ḳhalish vo aaj bhī mere jigar meñ hai

barbādiyoñ kī zad pe faqat shāḳh-e-gul nahīñ
gulshan tamām narġha-e-barq-o-sharar meñ hai

jab se maiñ un ke halqa-e-bai.at meñ aa gayā
'nāyāb' ek raushnī fikr-o-nazar meñ hai

ek justuju sada hi se zehn-e-bashar mein hai
jab se mili zamin musalsal safar mein hai

har-chand mere sath udasi safar mein hai
raushan charagh-e-shauq magar chashm-e-tar mein hai

mallah kah raha hai ki sahil hai bas qarib
lekin mujhe pata hai ki kashti bhanwar mein hai

tum se kabhi jo bol na paya main ek baat
ban kar KHalish wo aaj bhi mere jigar mein hai

barbaadiyon ki zad pe faqat shaKH-e-gul nahin
gulshan tamam nargha-e-barq-o-sharar mein hai

jab se main un ke halqa-e-baiat mein aa gaya
'nayab' ek raushni fikr-o-nazar mein hai