Subscribe to our newsletter and get our newest updates

Jahangeer nayab

  • Ghazal


markaz mein tha so dhyan mein rakkha gaya mujhe


markaz meñ thā so dhyān meñ rakkhā gayā mujhe
har vaqt imtihān meñ rakkhā gayā mujhe

is ke sivā nahīñ hai masīhā mirā koī
ik umr is gumān meñ rakkhā gayā mujhe

atrāf mere khīñchā gayā ḳhauf kā hisār
Dahte hue makān meñ rakkhā gayā mujhe

merī zabāñ se quvvat-e-goyā.ī chhīn kar
gūñgoñ kī dāstān meñ rakkhā gayā mujhe

jauhar-shanās nazroñ se ojhal nahīñ thā maiñ
kyuuñ ko.ele kī kaan meñ rakkhā gayā mujhe

pahre biThā diye ga.e har baat par mirī
dāñtoñ tale zabān meñ rakkhā gayā mujhe

achchhā mazāq hai ye mirī sādgī ke saath
fashion-zada dukān meñ rakkhā gayā mujhe

karnā hī thā sipurd jo qātil ko ek din
is darja kyoñ amaan meñ rakkhā gayā mujhe

chāroñ taraf se mujh pe zamīñ tañg kī ga.ī
kahne ko āsmān meñ rakkhā gayā mujhe

talvār kā savāl yahī jañg-jū se thā
kyuuñ aaj tak miyān meñ rakkhā gayā mujhe

harakat pe hai jumūd to iz.hār par sukūt
'nāyāb' kis jahān meñ rakkhā gayā mujhe

markaz mein tha so dhyan mein rakkha gaya mujhe
har waqt imtihan mein rakkha gaya mujhe

is ke siwa nahin hai masiha mera koi
ek umr is guman mein rakkha gaya mujhe

atraf mere khincha gaya KHauf ka hisar
Dahte hue makan mein rakkha gaya mujhe

meri zaban se quwwat-e-goyai chhin kar
gungon ki dastan mein rakkha gaya mujhe

jauhar-shanas nazron se ojhal nahin tha main
kyun koele ki kan mein rakkha gaya mujhe

pahre biTha diye gae har baat par meri
danton tale zaban mein rakkha gaya mujhe

achchha mazaq hai ye meri sadgi ke sath
fashion-zada dukan mein rakkha gaya mujhe

karna hi tha sipurd jo qatil ko ek din
is darja kyon aman mein rakkha gaya mujhe

chaaron taraf se mujh pe zamin tang ki gai
kahne ko aasman mein rakkha gaya mujhe

talwar ka sawal yahi jang-ju se tha
kyun aaj tak miyan mein rakkha gaya mujhe

harakat pe hai jumud to izhaar par sukut
'nayab' kis jahan mein rakkha gaya mujhe


Leave a comment

+