sar pe ab sā.ebāñ nahīñ pyāre
so kahīñ bhī amaañ nahīñ pyāre

kaun detā hai ye sadā.eñ agar
apnā koī vahāñ nahīñ pyāre

manzil-e-ishq ho nasīb na ho
ye safar rā.egāñ nahīñ pyāre

na rahā ḳhud pe e'tibār mujhe
tujh se to bad-gumāñ nahīñ pyāre

kār-e-dil hai so is liye is meñ
fikr-e-sūd-o-ziyāñ nahīñ pyāre

sar pe ab saeban nahin pyare
so kahin bhi aman nahin pyare

kaun deta hai ye sadaen agar
apna koi wahan nahin pyare

manzil-e-ishq ho nasib na ho
ye safar raegan nahin pyare

na raha KHud pe e'tibar mujhe
tujh se to bad-guman nahin pyare

kar-e-dil hai so is liye is mein
fikr-e-sud-o-ziyan nahin pyare