Subscribe to our newsletter and get our newest updates

Jagdeesh Raj Figar

  • Ghazal


KHandani qaul ka to pas rakh


ḳhāndānī qaul kā to paas rakh
raam hai to sāmne ban-bās rakh

aas ke gauhar bhī kuchh mil jā.eñge
yaas ke kuchh pattharoñ ko paas rakh

tū imārat ke mahal kā ḳhvāb chhoḌ
ḳhvāb meñ bas jhoñpaḌī kā baas rakh

mahz terī zaat tak mahdūd kyuuñ
mausamoñ ke kaif kā bhī paas rakh

dahr meñ maazī bhī thā terā na bhuul
aane vaale kal meñ bhī vishvās rakh

tujh ko apne ġham kā to ehsās ho
apne pahlū meñ dil-e-hassās rakh

daulat-e-iflās tujh ko mil ga.ī
daulat-e-kaunain kī ab aas rakh

mubtadī ko lauh se hai vāsta
tū to hai ahl-e-qalam qirtās rakh

bostāñ sab ko lage terā vajūd
apne tan meñ is liye bū-bās rakh

ye zamāñ hai tez-rau ghoḌā nahīñ
haath meñ apne na us kī raas rakh

sāhib-e-maqdūr hai maanā 'figār'
ye tujhe kis ne kahā thā daas rakh

KHandani qaul ka to pas rakh
ram hai to samne ban-bas rakh

aas ke gauhar bhi kuchh mil jaenge
yas ke kuchh pattharon ko pas rakh

tu imarat ke mahal ka KHwab chhoD
KHwab mein bas jhonpaDi ka bas rakh

mahz teri zat tak mahdud kyun
mausamon ke kaif ka bhi pas rakh

dahr mein mazi bhi tha tera na bhul
aane wale kal mein bhi wishwas rakh

tujh ko apne gham ka to ehsas ho
apne pahlu mein dil-e-hassas rakh

daulat-e-iflas tujh ko mil gai
daulat-e-kaunain ki ab aas rakh

mubtadi ko lauh se hai wasta
tu to hai ahl-e-qalam qirtas rakh

bostan sab ko lage tera wajud
apne tan mein is liye bu-bas rakh

ye zaman hai tez-rau ghoDa nahin
hath mein apne na us ki ras rakh

sahib-e-maqdur hai mana 'figar'
ye tujhe kis ne kaha tha das rakh


Source: Shafaq-e-Sukhan

Leave a comment

+