maiñ ne sāñsoñ se guftugū kī hai
saath chalne kī aarzū kī hai

gum-shuda vaqt ke musāfir ko
phir se paane kī justujū kī hai

zañg-ḳhurda hayāt kā kyā zikr
baat lamhoñ kī aabrū kī hai

ḳhud meñ ḳhud ko talāsh karne kī
maiñ ne koshish chahār-sū kī hai

main ne sanson se guftugu ki hai
sath chalne ki aarzu ki hai

gum-shuda waqt ke musafir ko
phir se pane ki justuju ki hai

zang-KHurda hayat ka kya zikr
baat lamhon ki aabru ki hai

KHud mein KHud ko talash karne ki
main ne koshish chahaar-su ki hai