tumhārā zikr mirī dāstān ban baiThā
maiñ ek zarra thā aur āsmān ban baiThā

savāl karte haiñ rah-rah ke mujh se lail-o-nahār
maiñ apnī zaat se kyuuñ bad-gumān ban baiThā

vo jis ne mujh ko nazar bhar ke bhī nahīñ dekhā
vo shaḳhs mere fasāne kī jaan ban baiThā

ḳhayāl-e-nau se ulajhtā huā mirā ehsās
mirī ġhazal ke safar kā bayān ban baiThā

maiñ jism huuñ ki koī ruuh yā faqat ehsās
mirā vajūd ḳhud ik imtihān ban baiThā

kabhī jo us ko tasavvur meñ lā ke dekh liyā
har ik ḳhayāl mirā gulsitān ban baiThā

tumhaara zikr meri dastan ban baiTha
main ek zarra tha aur aasman ban baiTha

sawal karte hain rah-rah ke mujh se lail-o-nahaar
main apni zat se kyun bad-guman ban baiTha

wo jis ne mujh ko nazar bhar ke bhi nahin dekha
wo shaKHs mere fasane ki jaan ban baiTha

KHayal-e-nau se ulajhta hua mera ehsas
meri ghazal ke safar ka bayan ban baiTha

main jism hun ki koi ruh ya faqat ehsas
mera wajud KHud ek imtihan ban baiTha

kabhi jo us ko tasawwur mein la ke dekh liya
har ek KHayal mera gulsitan ban baiTha