Subscribe to our newsletter and get our newest updates

Jagan Nath Azad

  • Ghazal


KHayal-e-yar jab aata hai betabana aata hai


ḳhayāl-e-yār jab aatā hai betābāna aatā hai
ki jaise sham.a kī jānib koī parvāna aatā hai

tasavvur is tarah aatā hai terā mahfil-e-dil meñ
mire hāthoñ meñ jaise ḳhud ba-ḳhud-paimāna aatā hai

ḳhirad vaalo ḳhabar bhī hai kabhī aisā bhī hotā hai
junūñ kī justujū meñ aap hī vīrāna aatā hai

kabhī qasd-e-haram ko jab qadam apnā uThātā huuñ
mire har ik qadam par ik nayā but-ḳhāna aatā hai

dar-e-jānāñ se aatā huuñ to log aapas meñ kahte haiñ
faqīr aatā hai aur bā-shaukat-e-shāhāna aatā hai

dakan kī hiir se 'āzād' koī jā ke ye kah de
ki rāñjhe ke vatan se aaj ik dīvāna aatā hai

vahī zikr-e-dakan hai aur vahī furqat kī bāteñ haiñ
tujhe 'āzād' koī aur bhī afsāna aatā hai

KHayal-e-yar jab aata hai betabana aata hai
ki jaise shama ki jaanib koi parwana aata hai

tasawwur is tarah aata hai tera mahfil-e-dil mein
mere hathon mein jaise KHud ba-KHud-paimana aata hai

KHirad walo KHabar bhi hai kabhi aisa bhi hota hai
junun ki justuju mein aap hi virana aata hai

kabhi qasd-e-haram ko jab qadam apna uThata hun
mere har ek qadam par ek naya but-KHana aata hai

dar-e-jaanan se aata hun to log aapas mein kahte hain
faqir aata hai aur ba-shaukat-e-shahana aata hai

dakan ki hir se 'azad' koi ja ke ye kah de
ki ranjhe ke watan se aaj ek diwana aata hai

wahi zikr-e-dakan hai aur wahi furqat ki baaten hain
tujhe 'azad' koi aur bhi afsana aata hai

RECITATIONS Nomaan Shauque



00:00/00:00 KHayal-e-yar jab aata hai betabana aata hai Nomaan Shauque

Leave a comment

+