arz-o-samā pe rañg thā kaisā utar gayā
āñdhī chalī to shaam kā chehra utar gayā

tūfāñ kī zad na shor-e-talātum mujhe batāo
maiñ mauj meñ nahīñ huuñ ki dariyā utar gayā

kyā kyā rahī kanār-e-mohabbat kī dhun mujhe
jin pāniyoñ meñ us ne utārā utar gayā

ik kashmakash meñ ab haiñ samundar paḌe hue
sahrā kī tah meñ phir koī pyāsā utar gayā

bikhrā paḌā hai ḳhaak pe yuuñ chāñdnī kā jism
jaise mirī hī ruuh meñ tesha utar gayā

'ja.afar' kabhī na ye mere vahm-o-gumāñ meñ thā
maiñ aur us ke dhyān se aisā utar gayā

arz-o-sama pe rang tha kaisa utar gaya
aandhi chali to sham ka chehra utar gaya

tufan ki zad na shor-e-talatum mujhe batao
main mauj mein nahin hun ki dariya utar gaya

kya kya rahi kanar-e-mohabbat ki dhun mujhe
jin paniyon mein us ne utara utar gaya

ek kashmakash mein ab hain samundar paDe hue
sahra ki tah mein phir koi pyasa utar gaya

bikhra paDa hai KHak pe yun chandni ka jism
jaise meri hi ruh mein tesha utar gaya

'jafar' kabhi na ye mere wahm-o-guman mein tha
main aur us ke dhyan se aisa utar gaya

Source: Funoon(Jadeed Ghazal Number: Volume-002)