Subscribe to our newsletter and get our newest updates

Jafar Baluch

  • Ghazal


kitni saza mili hai mujhe arz-e-haal par


kitnī sazā milī hai mujhe arz-e-hāl par
pahre lage hue haiñ mirī bol-chāl par

kahte haiñ log joshish-e-fasl-e-bahār hai
phūloñ kā jab mizāj na ho e'tidāl par

tū apnī siskiyoñ ko dabā apne ashk poñchh
ai dost chhoḌ de tū mujhe mere haal par

phir aaj ismatoñ kī jabīñ hai araq araq
tohmat lagī hai phir kisī mariyam-ḳhisāl par

mahsūs bārhā ye huā hai ki zindagī
ik barf kī Dalī hai kaf-e-barshgāl par

kitni saza mili hai mujhe arz-e-haal par
pahre lage hue hain meri bol-chaal par

kahte hain log joshish-e-fasl-e-bahaar hai
phulon ka jab mizaj na ho e'tidal par

tu apni siskiyon ko daba apne ashk ponchh
ai dost chhoD de tu mujhe mere haal par

phir aaj ismaton ki jabin hai araq araq
tohmat lagi hai phir kisi mariyam-KHisal par

mahsus barha ye hua hai ki zindagi
ek barf ki Dali hai kaf-e-barshgal par


Source: Book : Aqleem (Pg. 52) Author : Jafar Baloch Publication : Maktaba aalia, Urdu Bazar Lahore (1986) Edition : 1986

Leave a comment

+