maanā ki rañg rañg tirā pairahan bhī hai
par is meñ kuchh karishma-e-aks-e-badan bhī hai

aql-e-ma.āsh o hikmat-e-duniyā ke bāvajūd
ham ko aziiz ishq kā dīvāna-pan bhī hai

mutrib bhī tū nadīm bhī tū sāqiyā bhī tū
tū jān-e-anjuman hī nahīñ anjuman bhī hai

baazū chhuā jo tū ne to us din khulā ye raaz
tū sirf rañg-o-bū hī nahīñ hai badan bhī hai

ye daur kis tarah se kaTegā pahāḌ sā
yaaro batāo ham meñ koī kohkan bhī hai

mana ki rang rang tera pairahan bhi hai
par is mein kuchh karishma-e-aks-e-badan bhi hai

aql-e-maash o hikmat-e-duniya ke bawajud
hum ko aziz ishq ka diwana-pan bhi hai

mutrib bhi tu nadim bhi tu saqiya bhi tu
tu jaan-e-anjuman hi nahin anjuman bhi hai

bazu chhua jo tu ne to us din khula ye raaz
tu sirf rang-o-bu hi nahin hai badan bhi hai

ye daur kis tarah se kaTega pahaD sa
yaro batao hum mein koi kohkan bhi hai

RECITATIONS Nomaan Shauque



00:00/00:00 mana ki rang rang tera pairahan bhi hai Nomaan Shauque