sau chāñd bhī chamkeñge to kyā baat banegī
tum aa.e to is raat kī auqāt banegī

un se yahī kah aa.eñ ki ab ham na mileñge
āḳhir koī taqrīb-e-mulāqāt banegī

ai nāvak-e-ġham dil meñ hai ik buuñd lahū kī
kuchh aur to kyā ham se mudārāt banegī

ye ham se na hogā ki kisī ek ko chāheñ
ai ishq hamārī na tire saat banegī

ye kyā hai ki baḌhte chalo baḌhte chalo aage
jab baiTh ke socheñge to kuchh baat banegī

sau chand bhi chamkenge to kya baat banegi
tum aae to is raat ki auqat banegi

un se yahi kah aaen ki ab hum na milenge
aaKHir koi taqrib-e-mulaqat banegi

ai nawak-e-gham dil mein hai ek bund lahu ki
kuchh aur to kya hum se mudaraat banegi

ye hum se na hoga ki kisi ek ko chahen
ai ishq hamari na tere sat banegi

ye kya hai ki baDhte chalo baDhte chalo aage
jab baiTh ke sochenge to kuchh baat banegi

RECITATIONS Nomaan Shauque



00:00/00:00 sau chand bhi chamkenge to kya baat banegi Nomaan Shauque