DhūñDiye din raat haftoñ aur mahīnoñ ke baTan
lā-makāñ meñ kho ga.e haiñ in makīnoñ ke button

sirf chhūne se nazar aatā hai manzar kā fareb
dekhne meñ ḳhush-numā haiñ ābgīnoñ ke button

daras-e-taqvā dene vaale kī qabā par dekhiye
sone chāñdī aur chamkīle nagīnoñ ke button

ab garebāñ chaak kā matlab batāne ke liye
kholne paḌte haiñ akasr āstīnoñ ke button

jab sadā-e-kun kā uglā marhala aa jā.egā
āsmāñ ke kaaj meñ hoñge zamīnoñ ke button

koī hai, varna ye duniyā kis qadar barbād ho
pāgaloñ ke haath meñ haiñ sab mashīnoñ ke button

DhunDiye din raat hafton aur mahinon ke baTan
la-makan mein kho gae hain in makinon ke button

sirf chhune se nazar aata hai manzar ka fareb
dekhne mein KHush-numa hain aabginon ke button

daras-e-taqwa dene wale ki qaba par dekhiye
sone chandi aur chamkile naginon ke button

ab gareban chaak ka matlab batane ke liye
kholne paDte hain akasr aastinon ke button

jab sada-e-kun ka ugla marhala aa jaega
aasman ke kaj mein honge zaminon ke button

koi hai, warna ye duniya kis qadar barbaad ho
pagalon ke hath mein hain sab mashinon ke button