Subscribe to our newsletter and get our newest updates

Zafar Anwar

  • Ghazal

sar mein sauda bhi wahi kucha-e-qatil bhi wahi


sar meñ saudā bhī vahī kūcha-e-qātil bhī vahī
raqs-e-bismil bhī vahī shor-e-salāsil bhī vahī

baat jab hai ki har ik phuul ko yaksāñ samjho
sab kā āmeza vahī aab vahī gil bhī vahī

Duub jaatā hai jahāñ Dūbnā hotā hai jise
varna pairāk ko dariyā vahī sāhil bhī vahī

dekhnā chāho to zaḳhmoñ kā charāġhāñ har-samt
mahfil-e-ġhair vahī anjuman-e-dil bhī vahī

kaise mumkin hai ki qātil hī masīhā ho jaa.e
us kī nīyat bhī vahī dāva-e-bātil bhī vahī

tum samajhte nahīñ 'anvar' to ḳhatā kis kī hai
raah hai roz-e-azal se vahī manzil bhī vahī

sar mein sauda bhi wahi kucha-e-qatil bhi wahi
raqs-e-bismil bhi wahi shor-e-salasil bhi wahi

baat jab hai ki har ek phul ko yaksan samjho
sab ka aameza wahi aab wahi gil bhi wahi

Dub jata hai jahan Dubna hota hai jise
warna pairak ko dariya wahi sahil bhi wahi

dekhna chaho to zaKHmon ka charaghan har-samt
mahfil-e-ghair wahi anjuman-e-dil bhi wahi

kaise mumkin hai ki qatil hi masiha ho jae
us ki niyat bhi wahi dawa-e-baatil bhi wahi

tum samajhte nahin 'anwar' to KHata kis ki hai
rah hai roz-e-azal se wahi manzil bhi wahi


Leave a comment

+