Subscribe to our newsletter and get our newest updates

Imran Rahib

  • Ghazal


pyar karti hai magar phir bhi mukar sakti hai


pyaar kartī hai magar phir bhī mukar saktī hai
kyā bharosa hai kisī aur pe mar saktī hai

kyā samajhtī ho ki bāñdhā hai mujhe bandhan meñ
ye añgūThī hai mirī jaan utar saktī hai

chhūT saktī hai tire gaañv kī miTTī mujh se
ye qayāmat bhī kisī roz guzar saktī hai

chāñd ne jhiil ke bistar pe jo karvaT badlī
chāñdnī TuuT ke paanī meñ bikhar saktī hai

ham ne bas pyaar kiyā naam likhe sochā nahīñ
Diary peḌ kī badnām bhī kar saktī hai

ahd-e-kam-fahm kī ujlat hai ishāra 'rāhib'
raushnī chaak pe zulmat ko bhī dhar saktī hai

pyar karti hai magar phir bhi mukar sakti hai
kya bharosa hai kisi aur pe mar sakti hai

kya samajhti ho ki bandha hai mujhe bandhan mein
ye anguThi hai meri jaan utar sakti hai

chhuT sakti hai tere ganw ki miTTi mujh se
ye qayamat bhi kisi roz guzar sakti hai

chand ne jhil ke bistar pe jo karwaT badli
chandni TuT ke pani mein bikhar sakti hai

hum ne bas pyar kiya nam likhe socha nahin
Diary peD ki badnam bhi kar sakti hai

ahd-e-kam-fahm ki ujlat hai ishaara 'rahib'
raushni chaak pe zulmat ko bhi dhar sakti hai


Leave a comment

+