Warning: session_start(): open(/tmp/sess_bj0qq9embc3t9ehvcaefu7v430, O_RDWR) failed: No space left on device (28) in /razi/eraazi/darbari/chunmun/index.php on line 15
shaiKH ke haal par tassuf hai

Subscribe to our newsletter and get our newest updates

Imdad Imam Asar

  • Ghazal


shaiKH ke haal par tassuf hai


shaiḳh ke haal par ta.assuf hai
shakl-e-rozī kī ik tasavvuf hai

jis kī auqāt ho tasavvuf par
us ke is rozgār par tuf hai

jin ko da.avā hai haq-shanāsī kā
un se bande ko bhī ta.āruf hai

na to irfāñ ke un meñ haiñ andāz
ma.arifat se na kuchh tasharruf hai

kaisī ta.amīl-e-hukm ḳhāliq kī
kaisā islām sad-ta.assuf hai

kaun se amar-e-dīñ ko koī kahe
diin kā diin hī tasavvuf hai

dīn-e-ahmad se ho jo bāhar baat
vahī is ahd meñ tasavvuf hai

maal jo kuchh hai bevaqūfoñ kā
shaiḳh kā maal be-takalluf hai

hai 'asar' ye tasarruf-e-be-jā
aur koī nahīñ tasarruf hai

shaiKH ke haal par tassuf hai
shakl-e-rozi ki ek tasawwuf hai

jis ki auqat ho tasawwuf par
us ke is rozgar par tuf hai

jin ko dawa hai haq-shanasi ka
un se bande ko bhi taaruf hai

na to irfan ke un mein hain andaz
marifat se na kuchh tasharruf hai

kaisi tamil-e-hukm KHaliq ki
kaisa islam sad-tassuf hai

kaun se amar-e-din ko koi kahe
din ka din hi tasawwuf hai

din-e-ahmad se ho jo bahar baat
wahi is ahd mein tasawwuf hai

mal jo kuchh hai bewaqufon ka
shaiKH ka mal be-takalluf hai

hai 'asar' ye tasarruf-e-be-ja
aur koi nahin tasarruf hai


Leave a comment

+