Subscribe to our newsletter and get our newest updates

Imdad Ali Bahr

  • Ghazal


kiya salam jo saqi se humne jam liya


kiyā salām jo saaqī se ham ne jaam liyā
paḌhe darūd jo pīr-e-muġhāñ kā naam liyā

chah-e-zaqan meñ girā chāhtā thā dil merā
darāz umr ho zulf-e-rasā ne thaam liyā

kisī kā zor zabardast par nahīñ chalnā
falak ne zulm kiyā kis ne intiqām liyā

nasīb-var thī zuleḳhā jo paayā yūsuf ko
kanīz ho ga.ī is shakl kā ġhulām liyā

bharā laboñ ne barābar dam-e-masīhā.ī
jab us ke abrūoñ ne hukm-e-qatl-e-ām liyā

mizāj pūchhā kisī kā to un kā muñh dekhā
kasak se haath meñ aa.e agar salām liyā

lagāyā thā kahīñ dil ham ne vo mazā chakkhā
zabāñ ne phir na kabhī āshiqī kā naam liyā

bharā hai aañkh meñ jaadū khulā ishāre se
zabān kā mizha-e-be-zabāñ se kaam liyā

bahut kamar ke lachakne kā hai ḳhayāl un ko
jo do qadam bhī chale pā.iñchoñ ko thaam liyā

chaḌhā ḳhumār jo sar par utar ga.ī izzat
amāma rakh ke giro sāġhar-e-mudām liyā

uThā ke daaġh liyā haq-e-sa.ī kā paisā
na murtashī kī tarah ham ne zar harām liyā

havā ko jaan dī maiñ ne zamīn ko miTTī
adā kiyā dam-e-ruḳhsat jo qarz daam liyā

muaaf kī hai ḳhudā ne za.iif par taklīf
sitam kiyā agar ab dast-o-pā se kaam liyā

qasam na khā.ūñgā tīsoñ kalām kī ai 'bahr'
kisī kā ḳhvāb meñ bosa to lā-kalām liyā

kiya salam jo saqi se hum ne jam liya
paDhe darud jo pir-e-mughan ka nam liya

chah-e-zaqan mein gira chahta tha dil mera
daraaz umr ho zulf-e-rasa ne tham liya

kisi ka zor zabardast par nahin chalna
falak ne zulm kiya kis ne intiqam liya

nasib-war thi zuleKHa jo paya yusuf ko
kaniz ho gai is shakl ka ghulam liya

bhara labon ne barabar dam-e-masihai
jab us ke abruon ne hukm-e-qatl-e-am liya

mizaj puchha kisi ka to un ka munh dekha
kasak se hath mein aae agar salam liya

lagaya tha kahin dil hum ne wo maza chakkha
zaban ne phir na kabhi aashiqi ka nam liya

bhara hai aankh mein jadu khula ishaare se
zaban ka mizha-e-be-zaban se kaam liya

bahut kamar ke lachakne ka hai KHayal un ko
jo do qadam bhi chale painchon ko tham liya

chaDha KHumar jo sar par utar gai izzat
amama rakh ke giro saghar-e-mudam liya

uTha ke dagh liya haq-e-sai ka paisa
na murtashi ki tarah hum ne zar haram liya

hawa ko jaan di main ne zamin ko miTTi
ada kiya dam-e-ruKHsat jo qarz dam liya

muaf ki hai KHuda ne zaif par taklif
sitam kiya agar ab dast-o-pa se kaam liya

qasam na khaunga tison kalam ki ai 'bahr'
kisi ka KHwab mein bosa to la-kalam liya


Leave a comment

+