Warning: session_start(): open(/tmp/sess_3lb7qhofdo9a42fnhar3m9jgq0, O_RDWR) failed: No space left on device (28) in /razi/eraazi/darbari/chunmun/index.php on line 15
lete lete karwaTen tujh bin jo ghabraata hun main

Subscribe to our newsletter and get our newest updates

Imam Bakhsh Nasikh

  • Ghazal


lete lete karwaTen tujh bin jo ghabraata hun main


lete lete karvaTeñ tujh bin jo ghabrātā huuñ maiñ
naam le le kar tirā rātoñ ko chillātā huuñ maiñ

ġhair jab kahtā hai us par maiñ bhī martā huuñ tab aah
vo to kyā martā hai bas ġhairat se mar jaatā huuñ maiñ

aa nikaltā hai kabhī par baat vo kartā nahīñ
boltā hai to ye kahtā hai ki ab jaatā huuñ maiñ

tū vo hai ātish kā parkāla ki tere sāmne
āftāb aa kar kahe jaaḌe se tharrātā huuñ maiñ

nā-tavānī ne nikal jaane kā Dar to kho diyā
yaar ko ab apne mar jaane se dhamkātā huuñ maiñ

gar chaleñ rāh-e-talab meñ toḌ Dālūñ apne paañv
bas kabhī saaqī ke aage haath phailātā huuñ maiñ

abr ko dekhā jo saaqī ne nigāh-e-mast se
ra.ad bolā ab mai-e-gul-rañg barsātā huuñ maiñ

dauḌte haiñ paañv jab dāmān-e-sahrā kī taraf
haath bhī sū-e-garebāñ saath dauḌātā huuñ maiñ

lete lete karwaTen tujh bin jo ghabraata hun main
nam le le kar tera raaton ko chillata hun main

ghair jab kahta hai us par main bhi marta hun tab aah
wo to kya marta hai bas ghairat se mar jata hun main

aa nikalta hai kabhi par baat wo karta nahin
bolta hai to ye kahta hai ki ab jata hun main

tu wo hai aatish ka parkala ki tere samne
aaftab aa kar kahe jaDe se tharraata hun main

na-tawani ne nikal jaane ka Dar to kho diya
yar ko ab apne mar jaane se dhamkata hun main

gar chalen rah-e-talab mein toD Dalun apne panw
bas kabhi saqi ke aage hath phailata hun main

abr ko dekha jo saqi ne nigah-e-mast se
rad bola ab mai-e-gul-rang barsata hun main

dauDte hain panw jab daman-e-sahra ki taraf
hath bhi su-e-gareban sath dauData hun main


Leave a comment

+