Subscribe to our newsletter and get our newest updates

Imam Bakhsh Nasikh

  • Ghazal


sanam kucha tera hai aur main hun


sanam kūcha tirā hai aur maiñ huuñ
ye zindān-e-daġhā hai aur maiñ huuñ

yahī kahtā hai jalva mere but kā
ki ik zāt-e-ḳhudā hai aur maiñ huuñ

idhar aane meñ hai kis se tujhe sharm
faqat ik ġham tirā hai aur maiñ huuñ

kare jo har qadam par ek naala
zamāne meñ dirā hai aur maiñ huuñ

tirī dīvār se aatī hai āvāz
ki ik bāl-e-humā hai aur maiñ huuñ

na ho kuchh aarzū mujh ko ḳhudāyā
yahī har dam duā hai aur maiñ huuñ

kiyā darbāñ ne sañg-e-āstāna
dar-e-daulat-sarā hai aur maiñ huuñ

gayā vo chhoḌ kar raste meñ mujh ko
ab us kā naqsh-e-pā hai aur maiñ huuñ

zamāne ke sitam se roz 'nāsiḳh'
na.ī ik karbalā hai aur maiñ huuñ

sanam kucha tera hai aur main hun
ye zindan-e-dagha hai aur main hun

yahi kahta hai jalwa mere but ka
ki ek zat-e-KHuda hai aur main hun

idhar aane mein hai kis se tujhe sharm
faqat ek gham tera hai aur main hun

kare jo har qadam par ek nala
zamane mein dira hai aur main hun

teri diwar se aati hai aawaz
ki ek baal-e-huma hai aur main hun

na ho kuchh aarzu mujh ko KHudaya
yahi har dam dua hai aur main hun

kiya darban ne sang-e-astana
dar-e-daulat-sara hai aur main hun

gaya wo chhoD kar raste mein mujh ko
ab us ka naqsh-e-pa hai aur main hun

zamane ke sitam se roz 'nasiKH'
nai ek karbala hai aur main hun

RECITATIONS Fasih Akmal



00:00/00:00 sanam kucha tera hai aur main hun Fasih Akmal

Leave a comment

+