merā aur phūloñ kā rishta TuuT gayā
khiḌkī band huī aur sapnā TuuT gayā

chiḌiyāñ kab ā.ankhoñ se bāteñ kartī haiñ
sub.h huī ghar kā sannāTā TuuT gayā

baaġh kī vīrānī kā ainī shāhid huuñ
tanhā.ī ke bojh se jhūlā TuuT gayā

aaj bhī merā haath pakaḌ kar ghūmegī
aaj phir us laḌkī kā chashma TuuT gayā

peḌ aur dil meñ koī ḳhaas ta.alluq hai
havā chalī aur āḳhirī pattā TuuT gayā

mera aur phulon ka rishta TuT gaya
khiDki band hui aur sapna TuT gaya

chiDiyan kab aaankhon se baaten karti hain
subh hui ghar ka sannaTa TuT gaya

bagh ki virani ka aini shahid hun
tanhai ke bojh se jhula TuT gaya

aaj bhi mera hath pakaD kar ghumegi
aaj phir us laDki ka chashma TuT gaya

peD aur dil mein koi KHas talluq hai
hawa chali aur aaKHiri patta TuT gaya