Subscribe to our newsletter and get our newest updates

Iftikhar Raghib

  • Ghazal


chahaton ka silsila hai mustaqil


chāhatoñ kā silsila hai mustaqil
sabz mausam karb kā hai mustaqil

kyā batā.ūñ dil meñ kis kī yaad kā
ek kāñTā chubh rahā hai mustaqil

baḌh rahā hai mustaqil qaht-e-shajar
zahr-ālūda fazā hai mustaqil

rāh-e-ulfat meñ kahāñ āsāniyāñ
pur-ḳhatar ye rāsta hai mustaqil

aa ga.ī hai fasl-e-āzādī magar
ḳhauf kā paudā harā hai mustaqil

dushmanī ke sab darīche band haiñ
dostī kā dar khulā hai mustaqil

ishq ke ik TimTimāte diip ne
dil ko raushan kar rakhā hai mustaqil

ek mausam kī kasak hai dil meñ dafn
mīThā mīThā dard sā hai mustaqil

zehn o dil kī vādī-e-pur-amn meñ
gūñjtī kis kī sadā hai mustaqil

dekh kar rasm-e-vafā is daur kī
sharmgīñ harf-e-vafā hai mustaqil

ġham kisī kā ho gayā 'rāġhib' nasīb
varna is duniyā meñ kyā hai mustaqil

chahaton ka silsila hai mustaqil
sabz mausam karb ka hai mustaqil

kya bataun dil mein kis ki yaad ka
ek kanTa chubh raha hai mustaqil

baDh raha hai mustaqil qaht-e-shajar
zahr-aluda faza hai mustaqil

rah-e-ulfat mein kahan aasaniyan
pur-KHatar ye rasta hai mustaqil

aa gai hai fasl-e-azadi magar
KHauf ka pauda hara hai mustaqil

dushmani ke sab dariche band hain
dosti ka dar khula hai mustaqil

ishq ke ek TimTimate dip ne
dil ko raushan kar rakha hai mustaqil

ek mausam ki kasak hai dil mein dafn
miTha miTha dard sa hai mustaqil

zehn o dil ki wadi-e-pur-amn mein
gunjti kis ki sada hai mustaqil

dekh kar rasm-e-wafa is daur ki
sharmgin harf-e-wafa hai mustaqil

gham kisi ka ho gaya 'raghib' nasib
warna is duniya mein kya hai mustaqil

Videos
This video is playing from YouTube Videos
This video is playing from YouTube Iftikhar Raghib RECITATIONS Iftikhar Raghib



00:00/00:00 chahaton ka silsila hai mustaqil Iftikhar Raghib

Source: Book : gazal darakht (Pg. 110)

Leave a comment

+