تعارف
اردو لٹریچر ڈاٹ آر گ ایک آنلائن بین الاقوامی برادری ہے جس میں ۱۵۰۰ سے زیادہ شاعروں اور ادیبوں کی تخلیقات شامل ہیں۔ اردولیٹری ڈاٹ آرگ نے ...
نئے سفر میں جو پچھلے سفر کے ساتھی تھے
پھر آئے یاد کہ اس رہ گزر کے ساتھی تھے
کہوں بھی کیا مجھے پل بھر میں جو بکھیر گئے
ہوا کے جھونکے مری عمر بھر کے ساتھی تھے
ستارے ٹوٹ گئے اوس بھی بکھر سی گئی
یہی تھے جو مری شام و سحر کے ساتھی تھے
شفق کے ساتھ بہت دیر تک دکھائی دیئے
وہ سارے لوگ جو بس رات بھر کے ساتھی تھے
یہ کیسی ہجر کی شب وہ بھی ساتھ چھوڑ گئے
جو چاند تارے مری چشم تر کے ساتھی تھے
Leave a comment