vo milā mujh ko na jaane ḳhol kaisā oḌh kar
raushnī gum ho ga.ī apnā hī saayā oḌh kar

niiñd se bojh haiñ patte ūñghte se peḌ haiñ
shahar soyā hai ḳhamoshī kā labāda oḌh kar

DhūñDhtā phirtā thā maiñ har shaḳhs ke aslī nuqūsh
log milte the mujhe chehre pe chehrā oḌh kar

munjamid sā ho gayā huuñ ḳhunkī-e-ehsās se
dhuup bhī niklī hai lekin tan pe kapḌā oḌh kar

rañg saare dho gayā hai raat kā bādal 'nasīm'
aur ghar nañge hue paanī barastā oḌh kar

wo mila mujh ko na jaane KHol kaisa oDh kar
raushni gum ho gai apna hi saya oDh kar

nind se bojh hain patte unghte se peD hain
shahar soya hai KHamoshi ka labaada oDh kar

DhunDhta phirta tha main har shaKHs ke asli nuqush
log milte the mujhe chehre pe chehra oDh kar

munjamid sa ho gaya hun KHunki-e-ehsas se
dhup bhi nikli hai lekin tan pe kapDa oDh kar

rang sare dho gaya hai raat ka baadal 'nasim'
aur ghar nange hue pani barasta oDh kar

Source: Funoon(Jadeed Ghazal Number: Volume-002)