اس کی تصویر کو سینے سے لگاتا ہی نہیں
ہاں میں وہ شخص ہوں جو عشق جتاتا ہی نہیں

اس کو کب سے ہے توقع کی بلاؤں گا میں
میں ہی مصروف ہوں اتنا کی بلاتا ہی نہیں

ایک سچ یہ ہے کہ اس نے ہی کیا ہے برباد
ایک یہ بھی ہے کہ وہ ذہن سے جاتا ہی نہیں

میرے کمرے کی تو عادت ہے بکھر جانے کی
میں یہی سوچ کے کمرے کو سجاتا ہی نہیں

خوف لگتا ہے مجھے روشنی میں جانے سے
شام کے وقت بھی میں شمع جلاتا ہی نہیں

ہجر کے بعد سے اس نے نہ رچائی مہندی
میں بھی اب جھٹ سے کوئی فون اٹھاتا ہی نہیں