kyā DhūñDne aa.e ho nazar meñ
dekhā hai tumhīñ ko umr-bhar meñ

me.ayār-e-jamāl-o-rañg-o-bū the
vo jab tak rahe merī chashm-e-tar meñ

ab ḳhvāb-o-ḳhayāl ban ga.e ho
ab dil meñ raho, raho nazar meñ

vo rañg tumhāre kaam aayā
uḌtā hai jo ġham kī dopahar meñ

haa.e ye tavīl o sard rāteñ
aur ek hayāt-e-muḳhtasar meñ

ab sūrat-e-hāl ban gayā huuñ
miltā huuñ nigāh-e-chārāgar meñ

yā aur sitāre aur shabnam
yā mar raheñ dāman-e-sahar meñ

yā manzil-e-mahr-o-māh bhī hai
yā rāh-e-farār hai safar meñ

vo bhī to 'zafar' se ḳhush nahīñ haiñ
rahte haiñ jo dīda-e-'zafar' meñ

kya DhunDne aae ho nazar mein
dekha hai tumhin ko umr-bhar mein

meayar-e-jamal-o-rang-o-bu the
wo jab tak rahe meri chashm-e-tar mein

ab KHwab-o-KHayal ban gae ho
ab dil mein raho, raho nazar mein

wo rang tumhaare kaam aaya
uDta hai jo gham ki dopahar mein

hae ye tawil o sard raaten
aur ek hayat-e-muKHtasar mein

ab surat-e-haal ban gaya hun
milta hun nigah-e-chaaragar mein

ya aur sitare aur shabnam
ya mar rahen daman-e-sahar mein

ya manzil-e-mahr-o-mah bhi hai
ya rah-e-farar hai safar mein

wo bhi to 'zafar' se KHush nahin hain
rahte hain jo dida-e-'zafar' mein

Source: Book : Range-e-Gazal (Pg. 358) Author : shahzaad ahmad Publication : Ali Printers, 19-A Abate Road, Lahore (1988) Edition : 1988