ārzūeñ na chhīn ḳhvāb na chhīn
merā sāmān-e-iztirāb na chhīn

sar se ummīd kā sahāb na chhīn
maiñ ki sahrā meñ huuñ sarāb na chhīn

hijr bechainī bebasī girya
ye mohabbat kā hai nisāb na chhīn

zaḳhm-e-dil kī na chārasāzī kar
mere siine kā māhtāb na chhīn

tākne de hasīn chehroñ ko
yaar mujh se mirā shabāb na chhīn

ḳhatm hone na de siyāhī-e-ġham
mere lafzoñ kī āb-o-tāb na chhīn

dard māroñ ke dard likhne de
hai yahī ik rah-e-savāb na chhīn

khojnā hai mujhe ḳhudā kā surāġh
vā.izā haath se kitāb na chhīn

aarzuen na chhin KHwab na chhin
mera saman-e-iztirab na chhin

sar se ummid ka sahab na chhin
main ki sahra mein hun sarab na chhin

hijr bechaini bebasi girya
ye mohabbat ka hai nisab na chhin

zaKHm-e-dil ki na chaarasazi kar
mere sine ka mahtab na chhin

takne de hasin chehron ko
yar mujh se mera shabab na chhin

KHatm hone na de siyahi-e-gham
mere lafzon ki aab-o-tab na chhin

dard maron ke dard likhne de
hai yahi ek rah-e-sawab na chhin

khojna hai mujhe KHuda ka suragh
waiza hath se kitab na chhin