āsāñ nahīñ hai jāda-e-hairat ubūrnā
hairāñ hue baġhair use mat ubūrnā

mere ḳhilāf koī bhī baktā rahe magar
sīkhā hai maiñ ne sarhad-e-tohmat ubūrnā

sad-āfrīñ ḳhayāl to achchhā hai vāqa.ī
āñkhoñ ko band kar ke mohabbat ubūrnā

āvārgān-e-ishq zarā ehtiyāt se
lazzat ke ba.ad lazzat-e-shahvat ubūrnā

ta.amīr-e-māh-o-sāl meñ tāḳhīr ke baġhair
kis ko ravā hai arsa-e-mohlat ubūrnā

juzv-e-badan banegā to bāhar bhī aa.egā
ye zaḳhm thoḌī der se hazrat ubūrnā

aasan nahin hai jada-e-hairat uburna
hairan hue baghair use mat uburna

mere KHilaf koi bhi bakta rahe magar
sikha hai main ne sarhad-e-tohmat uburna

sad-afrin KHayal to achchha hai waqai
aankhon ko band kar ke mohabbat uburna

aawargan-e-ishq zara ehtiyat se
lazzat ke baad lazzat-e-shahwat uburna

tamir-e-mah-o-sal mein taKHir ke baghair
kis ko rawa hai arsa-e-mohlat uburna

juzw-e-badan banega to bahar bhi aaega
ye zaKHm thoDi der se hazrat uburna