شریک ہوں اور تازہ ترین معلومات حاصل کریں

چرخ چنیوٹی

  • غزل


جلوۂ حسن سے ہے صورت اوقات نئی


جلوۂ حسن سے ہے صورت اوقات نئی
دن نیا صبح نئی شام نئی رات نئی

ان بدلتے ہوئے حالات کا ماتم کیسا
ہر نئے دور میں بنتی ہیں روایات نئی

ہر ملاقات کا انداز نیا ہوتا ہے
جو بھی ہوتی ہے وہ ہوتی ہے ملاقات نئی

نیا پن حسن کو ورثے میں ملا ہو جیسے
ہر ادا اس کی نئی وضع نئی بات نئی

چاند تاروں میں نیا نور امڈ آتا ہے
چرخؔ وہ آتے ہیں آتی ہے نظر رات نئی


Leave a comment

+