suḳhan-e-haq ko fazīlat nahīñ milne vaalī
sabr par dād-e-shujā.at nahīñ milne vaalī

vaqt-e-mālūm kī dahshat se laraztā huā dil
Duubā jaatā hai ki mohlat nahīñ milne vaalī

zindagī nazr guzārī to milī chādar-e-ḳhāk
is se kam par to ye ne.amat nahīñ milne vaalī

raas aane lagī duniyā to kahā dil ne ki jā
ab tujhe dard kī daulat nahīñ milne vaalī

havas-e-luqma-e-tar khā ga.ī lahje kā jalāl
ab kisī harf ko hurmat nahīñ milne vaalī

ghar se nikle hue beToñ kā muqaddar ma.alūm
maañ ke qadmoñ meñ bhī jannat nahīñ milne vaalī

zindagī bhar kī kamā.ī yahī misre do-chār
is kamā.ī pe to izzat nahīñ milne vaalī

suKHan-e-haq ko fazilat nahin milne wali
sabr par dad-e-shujaat nahin milne wali

waqt-e-malum ki dahshat se larazta hua dil
Duba jata hai ki mohlat nahin milne wali

zindagi nazr guzari to mili chadar-e-KHak
is se kam par to ye neamat nahin milne wali

ras aane lagi duniya to kaha dil ne ki ja
ab tujhe dard ki daulat nahin milne wali

hawas-e-luqma-e-tar kha gai lahje ka jalal
ab kisi harf ko hurmat nahin milne wali

ghar se nikle hue beTon ka muqaddar malum
man ke qadmon mein bhi jannat nahin milne wali

zindagi bhar ki kamai yahi misre do-chaar
is kamai pe to izzat nahin milne wali

RECITATIONS Iftikhar Arif Nomaan Shauque



00:00/00:00 suKHan-e-haq ko fazilat nahin milne wali Iftikhar Arif