ḳhvāb kī tarah bikhar jaane ko jī chāhtā hai
aisī tanhā.ī ki mar jaane ko jī chāhtā hai

ghar kī vahshat se laraztā huuñ magar jaane kyuuñ
shaam hotī hai to ghar jaane ko jī chāhtā hai

Duub jā.ūñ to koī mauj nishāñ tak na batā.e
aisī naddī meñ utar jaane ko jī chāhtā hai

kabhī mil jaa.e to raste kī thakan jaag paḌe
aisī manzil se guzar jaane ko jī chāhtā hai

vahī paimāñ jo kabhī jī ko ḳhush aayā thā bahut
usī paimāñ se mukar jaane ko jī chāhtā hai

KHwab ki tarah bikhar jaane ko ji chahta hai
aisi tanhai ki mar jaane ko ji chahta hai

ghar ki wahshat se larazta hun magar jaane kyun
sham hoti hai to ghar jaane ko ji chahta hai

Dub jaun to koi mauj nishan tak na batae
aisi naddi mein utar jaane ko ji chahta hai

kabhi mil jae to raste ki thakan jag paDe
aisi manzil se guzar jaane ko ji chahta hai

wahi paiman jo kabhi ji ko KHush aaya tha bahut
usi paiman se mukar jaane ko ji chahta hai

RECITATIONS Iftikhar Arif



00:00/00:00 KHwab ki tarah bikhar jaane ko ji chahta hai Iftikhar Arif