شریک ہوں اور تازہ ترین معلومات حاصل کریں

آزاد انصاری

  • غزل


ستم دوست فکر عداوت کہاں تک


ستم دوست فکر عداوت کہاں تک
کہاں تک وفا سے بغاوت کہاں تک

خلاف سلوک محبت کے خوگر
خلاف سلوک محبت کہاں تک

مسلسل ستم کی حکومت کے بانی
مسلسل ستم کی حکومت کہاں تک

اٹھو درد کی جستجو کر کے دیکھیں
تلاش سکون طبیعت کہاں تک

کبھی حکم پیر مغاں بھی بجا لا
فقط اتباع شریعت کہاں تک

کبھی کچھ نتیجہ نکالو تو جانیں
فقط خبط معلوم و علت کہاں تک


Leave a comment

+