Subscribe to our newsletter and get our newest updates

Iftikhar Aazmi

  • Ghazal


dard ab dil ki dawa ho jaise


dard ab dil kī davā ho jaise
zindagī ek sazā ho jaise

husn yuuñ ishq se nārāz hai ab
phuul ḳhushbū se ḳhafā ho jaise

ab kuchh is tarah se ḳhāmosh haiñ vo
pahle kuchh bhī na kahā ho jaise

yuuñ ġham-e-dil kī zabāñ mahkī hai
nik.hat-e-zulf-e-dotā ho jaise

kitnā sunsān hai rasta dil kā
qāfila koī luTā ho jaise

dard ab dil ki dawa ho jaise
zindagi ek saza ho jaise

husn yun ishq se naraaz hai ab
phul KHushbu se KHafa ho jaise

ab kuchh is tarah se KHamosh hain wo
pahle kuchh bhi na kaha ho jaise

yun gham-e-dil ki zaban mahki hai
nikhat-e-zulf-e-dota ho jaise

kitna sunsan hai rasta dil ka
qafila koi luTa ho jaise


Leave a comment

+