Subscribe to our newsletter and get our newest updates

Iffat abbas

  • Ghazal


bala nai koi palun agar ijazat ho


balā na.ī koī pālūñ agar ijāzat ho
junūñ ko shauq banā luuñ agar ijāzat ho

nigār-ḳhānā-e-hastī ke ā.inoñ meñ zarā
maiñ apnā aks sajā luuñ agar ijāzat ho

sharāb-e-husn meñ mastī hai be-niyāzī kī
ḳhudī ke shīshe meñ Dhālūñ agar ijāzat ho

hamārī tum se mulāqāt ho bhī saktī hai
maiñ koī raah nikālūñ agar ijāzat ho

bahut dinoñ se haiñ uryāñ-badan ḳhayāl mire
ridā-e-harf uḌhā luuñ agar ijāzat ho

vo tishnagī jise tum salsabīl kahte ho
laboñ pe maiñ bhī uThā luuñ agar ijāzat ho

nazar zuhūr ke jin tajraboñ se guzrī hai
kabhī kisī ko batā luuñ agar ijāzat ho

kisī se dil hī nahīñ mil sakā 'shahāb' to ab
nazar tumhī se milā luuñ agar ijāzat ho

bala nai koi palun agar ijazat ho
junun ko shauq bana lun agar ijazat ho

nigar-KHana-e-hasti ke aainon mein zara
main apna aks saja lun agar ijazat ho

sharab-e-husn mein masti hai be-niyazi ki
KHudi ke shishe mein Dhaalun agar ijazat ho

hamari tum se mulaqat ho bhi sakti hai
main koi rah nikalun agar ijazat ho

bahut dinon se hain uryan-badan KHayal mere
rida-e-harf uDha lun agar ijazat ho

wo tishnagi jise tum salsabil kahte ho
labon pe main bhi uTha lun agar ijazat ho

nazar zuhur ke jin tajrabon se guzri hai
kabhi kisi ko bata lun agar ijazat ho

kisi se dil hi nahin mil saka 'shahab' to ab
nazar tumhi se mila lun agar ijazat ho


Leave a comment

+