Subscribe to our newsletter and get our newest updates

Ibrat Bahraichi

  • Ghazal


mere hi dil ko apna ghar samajhna


mire hī dil ko apnā ghar samajhnā
use tum taaj se behtar samajhnā

na karnā ḳhair-ḳhvāhī tum kisī kī
jo behtar ho use behtar samajhnā

na itrānā kabhī shohrat pe apnī
sadā apne ko tum ahqar samajhnā

uḌā de aadmī ko jo bamoñ se
use chañgez kā lashkar samajhnā

hai dhokā denā apne aap ko bas
kisī insān ko be-par samajhnā

bahut nuqsān-deh hogā vo sābit
chamaktī ret ko manzar samajhnā

shab-e-ġham meñ sitāroñ ko ai 'ibrat'
sukūñ-parvar nahīñ aḳhgar samajhnā

mere hi dil ko apna ghar samajhna
use tum taj se behtar samajhna

na karna KHair-KHwahi tum kisi ki
jo behtar ho use behtar samajhna

na itrana kabhi shohrat pe apni
sada apne ko tum ahqar samajhna

uDa de aadmi ko jo bamon se
use changez ka lashkar samajhna

hai dhoka dena apne aap ko bas
kisi insan ko be-par samajhna

bahut nuqsan-deh hoga wo sabit
chamakti ret ko manzar samajhna

shab-e-gham mein sitaron ko ai 'ibrat'
sukun-parwar nahin aKHgar samajhna


Source: Book : Magz-e-Sukhan (Pg. 69) Author : Ibrat Bahraichi Publication : Dr. Ibrat Bahraichi (2017) Edition : 2017

Leave a comment

+