ban ke hasrat samā gayā ik shaḳhs
mujh ko aañsū banā gayā ik shaḳhs

soch haale pe intizār likhā
aur raste dikhā gayā ik shaḳhs

mere jīvan kī Diary meñ likhā
bāb-e-qismat miTā gayā ik shaḳhs

karbalā meñ hai rozgār-e-alam
kaam kaisā lagā gayā ik shaḳhs

maiñ ne us se vafā kā zikr kyā
par burā kyuuñ manā gayā ik shaḳhs

kar ke jīvan se be-niyāz mujhe
jiine kā Dhab sikhā gayā ik shaḳhs

ban ke hasrat sama gaya ek shaKHs
mujh ko aansu bana gaya ek shaKHs

soch haale pe intizar likha
aur raste dikha gaya ek shaKHs

mere jiwan ki Diary mein likha
bab-e-qismat miTa gaya ek shaKHs

karbala mein hai rozgar-e-alam
kaam kaisa laga gaya ek shaKHs

main ne us se wafa ka zikr kya
par bura kyun mana gaya ek shaKHs

kar ke jiwan se be-niyaz mujhe
jine ka Dhab sikha gaya ek shaKHs