dil hijr ke dard se bojhal hai ab aan milo to behtar ho
is baat se ham ko kyā matlab ye kaise ho ye kyūñkar ho

ik bhiik ke donoñ kaase haiñ ik pyaas ke dono pyāse haiñ
ham khetī haiñ tum bādal ho ham nadiyāñ haiñ tum sāgar ho

ye dil hai ki jalte siine meñ ik dard kā phoḌā allhaḌ sā
nā gupt rahe nā phuuT bahe koī marham ho koī nishtar ho

ham sāñjh samay kī chhāyā haiñ tum chaḌhtī raat ke chandramāñ
ham jaate haiñ tum aate ho phir mel kī sūrat kyūñkar ho

ab husn kā rutba aalī hai ab husn se sahrā ḳhālī hai
chal bastī meñ banjāra ban chal nagrī meñ saudāgar ho

jis chiiz se tujh ko nisbat hai jis chiiz kī tujh ko chāhat hai
vo sonā hai vo hiirā hai vo maaTī ho yā kañkar ho

ab 'inshā'-jī ko bulānā kyā ab pyaar ke diip jalānā kyā
jab dhuup aur chhāyā ek se hoñ jab din aur raat barābar ho

vo rāteñ chāñd ke saath ga.iiñ vo bāteñ chāñd ke saath ga.iiñ
ab sukh ke sapne kyā dekheñ jab dukh kā sūraj sar par ho

dil hijr ke dard se bojhal hai ab aan milo to behtar ho
is baat se hum ko kya matlab ye kaise ho ye kyunkar ho

ek bhik ke donon kase hain ek pyas ke dono pyase hain
hum kheti hain tum baadal ho hum nadiyan hain tum sagar ho

ye dil hai ki jalte sine mein ek dard ka phoDa allhaD sa
na gupt rahe na phuT bahe koi marham ho koi nishtar ho

hum sanjh samay ki chhaya hain tum chaDhti raat ke chandraman
hum jate hain tum aate ho phir mel ki surat kyunkar ho

ab husn ka rutba aali hai ab husn se sahra KHali hai
chal basti mein banjara ban chal nagri mein saudagar ho

jis chiz se tujh ko nisbat hai jis chiz ki tujh ko chahat hai
wo sona hai wo hira hai wo maTi ho ya kankar ho

ab 'insha'-ji ko bulana kya ab pyar ke dip jalana kya
jab dhup aur chhaya ek se hon jab din aur raat barabar ho

wo raaten chand ke sath gain wo baaten chand ke sath gain
ab sukh ke sapne kya dekhen jab dukh ka suraj sar par ho

RECITATIONS Nomaan Shauque



00:00/00:00 dil hijr ke dard se bojhal hai ab aan milo to behtar ho Nomaan Shauque