Subscribe to our newsletter and get our newest updates

Hameed Gauhar

  • Ghazal


meri aankhon se haT kar kuchh nahin hai


mirī āñkhoñ se haT kar kuchh nahīñ hai
tirī duniyā kā manzar kuchh nahīñ hai

koī neza koī sajda atā kar
abhī tak to mirā sar kuchh nahīñ hai

tire juġhrāfiya kī dastaras meñ
mirī bastī mirā ghar kuchh nahīñ hai

yahī do chaar raste haiñ yahāñ ke
yahāñ kho jaa.eñ to Dar kuchh nahīñ hai

ḳhalā.eñ haath ā.eñgī tumhāre
mirī chuTkī se bāhar kuchh nahīñ hai

meri aankhon se haT kar kuchh nahin hai
teri duniya ka manzar kuchh nahin hai

koi neza koi sajda ata kar
abhi tak to mera sar kuchh nahin hai

tere jughrafiya ki dastaras mein
meri basti mera ghar kuchh nahin hai

yahi do chaar raste hain yahan ke
yahan kho jaen to Dar kuchh nahin hai

KHalaen hath aaengi tumhaare
meri chuTki se bahar kuchh nahin hai


Source: Rooh-e-Ghazal,Pachas Sala Intekhab

Leave a comment

+