ek vahdat thī aap hī bikhrī
jaane kis ġham meñ raushnī bikhrī

ab sameToge kis tarah us ko
lafz-dar-lafz ḳhāmushī bikhrī

ā.ina-ḳhāna-e-taḳhayyul meñ
ek lamhe meñ ik sadī bikhrī

qaid thī ruuh kī ḳhamoshī meñ
jism meñ Dhal ke zindagī bikhrī

karb-e-iz.hār se na guzrī baat
lab pe aane se pahle hī bikhrī

ek wahdat thi aap hi bikhri
jaane kis gham mein raushni bikhri

ab sameToge kis tarah us ko
lafz-dar-lafz KHamushi bikhri

aaina-KHana-e-taKHayyul mein
ek lamhe mein ek sadi bikhri

qaid thi ruh ki KHamoshi mein
jism mein Dhal ke zindagi bikhri

karb-e-izhaar se na guzri baat
lab pe aane se pahle hi bikhri

Source: Book : 1971 ki Muntakhab Shayri (Pg. 110) Author : Kumar Pashi, Prem Gopal Mittal Publication : P.K. Publishers, New Delhi (1972) Edition : 1972